Սոճի ղրիմյան (լատ.՝ Pinus nigra subsp. pallasiana), սոճազգիների ընտանիքի մշտադալար ծառ՝ 20 -30 մ բարձրությամբ, լայն, սկզբում բրգաձև, ծեր հասակում տափակ, հովանոցաձև սաղարթով։ Ճյուղերի ծայրերը ծռված են դեպի վեր։ Փշատերևները մուգ կանաչավուն են’ 8 -15 սմ երկարությամբ։

Կոները երկարավունձվաձև են՝ 5-10 սմ երկարությամբ և 4-6 սմ լայնությամբ, դեղնագորշավուն են, համարյա նստադիր։

Վայրի վիճակում հանդիպում է Ղրիմում, հիմնականում Յայլիի հարավային լանջերին, ծովի մակերևույթից մինչև 1000 մ բարձրության վրա առաջացնելով ընդարձակ անտառներ։

Հանդիպում է նաև արևմտյան Կովկասում (Գելենջիկի շրջանի Արխիպո-Օսինովկայում), Կիպրոս և Կրետե կղզիներում, Բալկանյան թերակղզու արևելյան մասում և այլն։

Բավականին ջերմասեր տեսակ է։ Սովորաբար լավ է աճում ծովի մակերևույթից։