Պուանսետտիա (լատ.՝ Euphorbia pulcherrima), պատկանում է իշակաթնուկազգիների (Euphorbiacea) ընտանիքին։ Ծագման երկիրը Մեքսիկան, Գվատեմալան և Կոստարիկան։

Պուանսետտիայի թեթև վնասվածք հասցնելիս կաթնագույն հեղուկ է թողնում, ինչպես բոլոր իշակաթնուկազգիների ընտանիքին պատկանող բույսերը։ Պուանսետտիան ծաղկում է հիմնականում դեկտեմբեր-հունվար ամիսներին, ծաղիկները փայլուն գույն ունեն։

Ծաղիկները հասնելով իրենց առավելագույն չափին, սկսում են թառամել և թափվել, որից հետո բույսը սկսում է հանգստանալ։ Հանգստի ժամանակ պետք է բույսին տեղափոխել այլ տեղ, պահելով 10 °C ջերմաստիճանի պայմաններում մինչև գարունը։ Մարտ ամսին արդեն բույսը վերատնկում են։ Բույսերը պետք է պահել 18-20 °C ջերմության մեջ։ Որպեսզի բույսը հաջող աճի պետք է պահել լուսավոր վայրում և շատ ջրել։